Hileko aurreneko asteartero bezala, odola eman edota organo donante egiteko aukera izango da gaur Hernaniko anbulatorioan, 18:30etatik 20:30etarako tartean.
Udara izanda, normalean emaile kopuruak behera egiten du, baina odolak beharrezkoa izaten jarraitzen du, eta azaltzeko deia egin dute.
Martxoa, hilabete onena
Urtea 45 odol emailerekin hasi zen. Otsailean, 48k eman zuten odola, eta 5 emaile berri izan ziren; martxoan 75ek eman zuten, bi berriak izan ziren, eta organo donante bat ere izan zen; apirilean 61ek eman zuten, eta emaile berri bat izan zen; maiatzean 54k eman zuten, eta bi emaile berri izan ziren.
Lehengo hilean emaile kopuruak behera egiten jarraitu zuen: 53k eman zuten odola, eta emaile berri bat izan zen.
Gaur, zita berezia
Udaran behera egiten du normalean emaile kopuruak, eta horregatik, deialdi berezia egin dute gaurko. Odola emateaz gain, hilero bezala, organo donante egiteko aukera ere izango da.
Odol edo organo emaile egiteko ez da baldintza berezirik bete behar. Bertan ematen dituzte azalpenak.