Igerileku irekiak ari dira izaten azken egunetako beroari aurre egiteko plana

Berrogei graduetara gertu­ratu ziren termometroak os­ti­ralean, eta asteburuan tregua txiki bat ematen ari badira ere, biharko bero haundia emanda dago, berriz ere. Mu­turreko beroari aurre egi­teko hainbat go­men­dio eman ditu Eusko Jaur­la­ritzako Se­gur­tasun Sai­lak; eta horietako bat da ur ho­tzetan dutxatu edo ba­inatzea. Hernaniarren an­tze­ko alter­natiba ederra bilatu dute: Mendi Mendiyan dau­den igerileku irekiak. Joan den as­te­buruan zabaldu zi­tuz­ten ate­ak, eta aste osoan ze­har ari da izaten jende andana.
Igerileku irekiak irailaren 20ra arte egongo dira zabalik, egunero. Ordutegia ordea, al­da­korra izango da irailetik aurrera. Irailaren 6ra bitar­tean 11:00etatik 20:30etara egongo dira zabalik. Irailaren 7tik 11ra eta 14tik 18ra berriz, 15:00-20:00ko ordutegia izan­go dute; eta irailaren 12, 13, 19 eta 20an, 11:00etatik 20:00e­tarakoa.

Igerileku irekiak baino gehiago
Mendi Mendiyako konple­joa­ren zati haundiena ige­rileku ire­kiek okupatzen ba­dute ere, bertan badira beste hainbat zer­bitzu ere. Ber­degune zaba­lez gain, kirol pistak ere ba­dau­de. Bazkide direnek ha­rreran eskatu ditzakete jo­laserako baloi edo palak. Hala nola, saskibaloia, ping-ponga, boleibola eta beste hainbat kirol praktikatu daitezke gainaldean gera­tzen diren egokitutako jolas lekuetan.
Taberna bat ere badago bertan, eta afaltzeko aukera ere ematen dute. Joan den urtean berritu zuten, eta giro ederra izan zen uda guztian, batez ere, eguzkia sartzen denean. Tabernako terrazan lehentasuna dute bezeroek, baina nahi duenak kanpotik eraman dezake janaria.
Azkenik, igerilekuen kan­po­aldean kotxe eta bizikle­ten­tzako aparkalekua dago, debalde.

BONOAK (3 hilabete)
Hernani eta Astigarragako kiroldegietako bazkideak:
18 urtetik behera: 31,20€.
18 urtetik gora: 47,20€.
Familiarra: 71,40€.
Bazkide ez direnak:
18 urtetik behera: 57,60€.
18 urtetik gora: 93,35€.
Familiarra: 141,80€.
*Bonoak kiroldegian eskatu.

EGUNEKO SARRERA
6 hilabete arte: doan.
3 urtetik behera: 2,40€.
18 urtetik behera: 5€.
18 urtetik gora: 7,30€.
Taldeak:
11-20 haur 4,70 €.
21-40 haur 4,50 €.
41-80 haur 4,30 €.
81etik gora haur 4,10 €.
*10 haur sartzen diren bakoitzeko begirale bat dohain

ORDUTEGIA
Ekainaren 26tik irailaren 6ra  11:00-20:30.
Irailaren 7tik 11ra  15:00-20:00.
Irailaren 12tik 13ra  11:00-20:00.
Irailaren 14tik 18ra  15:00-20:00.
Irailaren 19tik 20ra  11:00-20:00.