Saharako berotasunetik Hernaniko goxotasunera

Saharako udako bero ito­ga­rri­tik alde egin eta erre­fu­xia­tu kanpa­menduetan bizi du­ten egoeraren berri ema­teko, urtero etortzen dira Euskal Herrira hainbat eta hainbat haur saharar Oporrak Ba­kean programaren barruan.
Aurten 340 inguru etorri dira, eta Hernanira lau: hiru neska, Zeinabu Moha­med Salem, Salka Ali Ram­dam eta, Leila Abdi Embarek; eta mutil bat, Usama.
Xabier Lertxundi eta Da­mian Pedrosa zinegotziek egin zie­ten on­gietorria atzo udale­txe­an, etxean jasoko dituzten fa­mi­lia herna­nia­rrekin, eta eki­tal­dira ger­tu­ratu ziren Her­na­nin bizi diren hain­bat sahara­rrekin batera. Uda­letxearen ize­ne­an, es­ke­rrak eman zizkieten hau­rrak etxean hartzen dituz­ten familiei, eta Udalak ere la­guntzen jarraitzeko kon­­promisoa duela aipatu zuten. Eta gaineratu zuten: «gu ere aberasten gaitu bes­te kultura bateko jendea­rekin elkarbizitzeak».
Udalak beste hiru ume­ren estantzia ere ordaintzen du; aterpetxe batean egongo dira, abuztura arte.