Eguraldi onik ez da falta udara honetan, eta Irrintzi tabernak horixe aprobetxatu du, giro onari, konpainia ona gehitzeko.
Horrela, uztaileko ostegun iluntzeetan kontzertuak izango dira tabernan, iluntzeko 20:30etatik 21:30etara.
Roberto Yaben, hurrena
Pasa berri den ostegun honetan Duo Do Portu bikotea aritu da jotzen, eta datorren ostegunean beste hernaniar handi bat izango da oholtza gainean: Roberto Yaben, hain zuzen.
Hilaren 16an, berriz, Juan Mari Beltran Hirukotean ikusi eta entzuteko aukera izango da, Errege Belda eta Ander Barrenetxearekin batera; hilaren 23an, Idoia eta Kixtiñe; eta bukatzeko, hilaren 30ean, MM’Atarrak.
Talde batzuetan musikari hernaniarrak izango dira, eta estilo guztietako musikaz gozatzeko aukera izango da.