Azken egun hauetako beroak animatuta, jende asko hurbildu da errekara, freskatzera.
Horietako asko Hernani eta Goizueta arteko errepidean zehar banatzen dira, eta Goizuetako Udalak eskatu du bidea eta inguruak zaintzeko. «Azken egun hauetan kotxe asko ibili dira, eta Abaño aldean, adibidez, gaizki aparkatzen dute. Zaborrak ere bertan utzi dituzte, eta errepidean zehar ez da bilketarik egiten, beraz, norberak bere zaborra etxera eraman behar du».