Goizeko 09:30etan hasiko dira partiduak gaur, Iruñako Labrit pilotalekuan. Esteribar izanen du aurkari Goizuetak, eta irabazteko aukerarik ez du faltako. Izan ere, sailkapen fasean 3 eta 1 irabazi zion Goizuetak Esteribarri.
Aurrena, Joanes Apezetxea eta Beñat Apezetxea alebinek ariko dira; gero, Aitor Aizkorbe eta Antton Apezetxea infantilak; Iker Salaberria eta Jonni Salaberria jubenilak segidan; eta Jon Zabaleta eta Ekaitz Narbarte seniorrak, bukatzeko.