BEROA hizpide izaten ari da azken egunetan, eta gaurko ere, alerta naranja emana dago, muturreko tenperatura oso altuengatik eta iraunkorragatik. Atzo bezala, gaur ere 35ºCak gainditzea aurreikusten da. Hori horrela, Eusko Jaurlaritzako Segurtasun Sailetik hainbat gomendio eman dituzte: likido asko edan, bereziki ura, egarria izatera itxaron gabe. Arin jan: entsaladak, gazpatxoa, barazkiak... Itxi leihoak eta jaitsi pertsianak. Arropa egokia erabili. Ariketa fisikoa egin behar bada, bero gutxien dagoen orduetan egin. Ez geratu ibilgailu barruan, aparkatuta eta itxita badago. Etxean 35º baino gehiago badaude, komeni da dutxa edo bainu hotzak hartzea. Arreta jarri adineko eta haurretan.