Agenda bateratua sortzeko lanetan da Urumeako Kronika, herritar talde baten eskaerari erantzunez. Asmoa da, agenda egiteko modu berri bat martxan jartzea www.kronika.eus web orrian, eta bertan, herritarrek eta elkarteek parte hartu ahal izatea.
Bailarako elkarte eta talde guztiek parte hartzea da nahia, antolatzen den edozer agendan azaldu dadin.
Horregatik, bilera deitu du gaur, arratsaldeko 19:00etan Hernaniko AEKren lokalean (Larramendi 11), agendaren egitura eta funtzionamendua adosteko. Eta Urumea bailarako elkarte eta talde guztiei luzatu nahi die deia, bilerara azaldu eta agendan parte hartzeko.
Elkarte eta taldeek, agenda elikatzeko aukera
Orain ere, Kronikak badauka agenda web orrian, baina askotan zaharkituta geratzen da, ekitaldiak egunez edo orduz aldatzen direlako. Horregatik, helburua da elkarte eta taldeek eurek izatea agenda elikatzeko aukera, eta aldaketak eguneratzea, informazio osatuagoa izateko.
Eta horregatik, bailaran antolatzen den edozer bertan azaldu dadin, nahia da bailarako elkarte eta talde guztiek parte hartzea.