Aurtengo San Joanetan, Kantuz abesbatzako eta Arraun Elkarteko kideak izan dira omenduak eta igo bezala, beraiena izan zen banderak jaisteko ardura, jaiei bukaera emanez. Larunbat gauerdian izan zen, Plaza bete-bete zegoela.
Behin banderak jaitsita bertso bana kantatu zuten elkarrekin. Astinduko duten hurrengo bandera, Kontxakoa izango dela adierazi zuten arraunlariek. Eta Kontxakoa ez, baina hirugarren bandera bat izan zen balkoian, herenegun. Mutil kadeteek Gipuzkoako Udaberriko Batel Liga irabazi zuten larunbatean bertan (Zumaian jokatu zen azken estropada) eta udaletxean izan ziren, lortutako bandera astintzen. Zezensuzkoarekin eta su artifizialekin datorren urtera arte agurtu ziren San Joanak.