Udan ere izango da KZ Guneko ikastaroak jasotzeko aukera, guztiz dohainik. Uztailean, lau ikastaro izango dira aukeran, eta irailean, hamar. Abuztuan ez da ikastarorik izango, KZ Gunea itxita egongo baita.
Uztaileko lau ikastaroak honakoak dira: Oinarrizko internet, Google Apps, Dropbox eta Pinterest. Uztaileko ordutegia: 09:00-13:00. Irailean, berriz, aukera zabalagoa izango da: Oinarrizko internet, Gmail, Google Drive, Sare sozialak, Irudia, Ofimatika, Instagram, Facebook, Argazki ukitua GIMP erabiliz, eta Twitter. Iraileko ordutegia: 09:00-13:00 eta 16:00-20:00. Izena emateko: 943 02 36 50 edo tutor.hernani@kzgunea.net.