Beste txapela bat jantzi nahi du Aritz Zubirik gaur. Promozioko Txapelketaren final haundia jokatuko du, Ansa II lagun, Segurola eta Larrañagaren kontra. Arratsaldeko 16:00etan hasiko da jaialdia Galarretan, eta bigarren partidua izanen da finala.
Semifinala eroso irabazita iritsi dira Ansa II eta Zubiri finalera, 40-31 nagusitu baitziren Otaegi eta Martirenaren kontra. Segurolak eta Larrañagak, berriz, estu eta larri menderatu zituzten Matxin VI eta Labaka, ostegunean (40-39), partidu ikusgarri batean.
Aurrekaria kontra, Zubirik
Baina hala ere, ez dira faborito izanen, Ansa II eta Zubiri. Aurrekaria, torneo honetan bertan, kontra daukate: 35-17 galdu zuten ligaxkan, Segurola eta Larrañagaren kontra. Horri buelta eman beharko diote gaur, txapela janzteko.