Ezustekoz betetako kontzertua, Plazan

Gaurkoa, «zinez gau bere­zia» izango dela aurreratu du Esne Beltza taldeak. Eta gaua bezala, berezia izango da eskainiko duten kon­tzer­tua ere. Plazan joko dute, gaueko 23:00etatik aurrera.
Ez dira, ordea, bakarrik igoko eszenatokira. Hainbat gonbidatu berezi izango dira kontzertuan: Fermin Mugu­ruza, La Mala Rodriguez, Little Pepe, Flavio Banterla edo­ta Caribbean Dandy kolektibo japoniarreko DJak, besteak beste. Guztiak ere, taldearekin hartu ema­na izan duten artista eta adis­kideak. Muguruzak berak, eragina izan zuen taldearen sorreran; eta gainerakoak, lankide izan ditu taldeak, bere ibilbidean zehar.

Sorpresa gehiago, kontzertuan bertan
Taldeak aurreratu du, gai­ne­ra, sorpresa gehiago ere izan­go dituztela kontzer­tuan, bai­na ez dituzte adi­tze­ra eman­go azkeneko momentura arte.

Bi kontzertu, Urbieta kalean
Beste kontzerturik ere izan­go da gaur, arratsaldetik aurre­ra. Urbieta kalean, bi saio antolatu ditu San Joan Konpartsa elkar­teak.  Aurre­na, Fermin Valencia abes­la­riak ez du hutsik egingo urteroko zitarekin, eta ema­naldia eskainiko du arra­tsal­deko 19:45etan.
Eta gauean, Patxi eta konpainia taldea igoko da Urbieta kaleko oholtzara, 22:30etan hasita.

Rap/Trap gaua, Tilosetan
Hainbat kontzertu antolatu ditu Molotoff irratiak ere, Tilosetan jarri duen esze­na­tokian. Gaueko 22:00etan hasita, Rap/Trap gaua izan­go da: Norzzone, DJ Rask, Ethos & Galgo, DJ Andoni eta Buiaka.