«Anuska nire bizitza izan da, nire bigarren etxea»

BERROGETA bat urte egin ditu Anuska dendak, as­ti­gar­ta­rren zerbitzura. Asti­gar­­ta­rren ge­ne­razio alda­ketak ikusi ditu Ana Maria Royok, Anus­kako mos­tra­dore atze­an. Eta ez hori ba­karrik! Astigarraga beraren ebo­­lu­zioa ere bizitu dute Anus­ka aurrera eraman duen fa­mi­liak. Ez da erabaki erraza izan, baina krisiak eta beste hainbat faktorek era­ginda, ateak ixtea erabaki du­te; az­ken egun-asteak izango dira da­tozenak, eta likidazioan ditu dendako azken produktuak. 40 urte ez di­ra berehala bete­tzen-eta, Kro­ni­kak Ana Maria Ro­yo­rekin gogora ekarri nahi izan ditu, bizipen horietako asko.

«Hasierako urte haietan denetatik saltzen genuen, aukera zabala zen: liburuak, jostailuak, goxokiak, egunkariak, ogia, aldizkariak, drogeria...».

«Amak ireki zuen negozioa»
Neskato gaztea zen Ana Ma­ria Royo, gurasoek Anuska den­­da ireki zutenean. Aitak Miche­linen egiten zuen la­na, eta ama izaten zen den­dako martxa eramaten zue­na; «ni garai hartan esko­lara joaten nintzen, eta kla­seak bukatu­ta etortzen nin­tzen dendara». Hasierako ur­te haietan, de­ne­tatik sal­tzen zela dio Ana Ma­­riak: «au­kera zabala ge­nu­en. li­buru den­da soil ba­t zela bazirudien ere, jostailuak, dro­ge­ria kontuak, go­xokiak, egunkariak, ogia, al­dizka­riak etab. ere saltzen ge­nituen; denetatik pixka bat».

«Aurreneko aldaketa etorri zen Pryca eta Mamut ireki zituzte­nean. Jendeak eroste­ko ohitura aldatu egin du. Lehen herrian erosten zen egunero­ko­rako behar zena»

«Astigarragako aurreneko komertzioetako bat zen Anuska»
Aurreneko urte haiek oso onak izan zirela dio Ana Ma­riak: «denda zabaldu ge­nu­enean Astigarragan ez ze­gon komertziorik. Au­rrenak izan ez baginen, aurrenetakoak bai. Egun herri eskola dagoen ho­rretan monja eskola bat ze­goen, eta ikasleek behar zi­tuzten liburu guztiak guri eros­ten zizkiguten... eta ho­rrela, beste hainbat gauza».
Erosteko ohiturak al­da­tuz joan direla dio Ana Ma­riak: «ez da gaur egungo kon­tua. Pryca eta Mamut za­bal­du zituztenean, jendeak hara joateko ohitura hartu zuen... eta gerora, halako bes­te hain­beste ireki di­tuzte... Lehen egu­neroko edozer gau­za eros­tera etortzen zen jen­dea, he­men edo Astigarragan bertan aurkitzen zuten egu­neroko bizitzarako behar zu­ten edo­zer. Orain ordea, kan­pora joa­te­ko ohitura haun­dia dago, eta horrek eragina du gurea be­zalako komertzio txikian».

«Orain 3-4 urte hasi zen gainbehera»
Berrogei urtek askorako ema­ten dute, baita gora­be­hera bat baino gehiago izateko ere. Krisiak eta bestelako arazoak izan badira ere, urterik go­gorrenak azken 3-4 urteak izan direla azaldu dio Kro­ni­kari: «urte guzti hauek onak izan direla esan dezaket. Gainbehera orain 3-4 urte hasi zen... krisia, nekea, obrak... guztiak izan du era­gi­na». Erabakia asko hausnar­tu eta gero hartu duela aitor­tu dio Ana Mariak Kronikari: «ez da erraza izan. Buelta asko eman dizkiot. Garai zai­lak dira, eta erabakiak min ema­ten badit ere, hartu beha­rrekoa izan da. Anuska nire bizitza izan da, nire bigarren etxea».

«Erabakia hartzea ez da erraza izan. Buelta asko eman dizkiot eta min ematen  badit ere, hartu beharrekoa erabakia zen».

Esker hitzak, bezero guztiei
Generazio ezberdinak pasa dira Anuska dendatik urte guzti hauetan, eta fideltasun hori eskertu nahi die Ana Ma­riak, guztiei: «eskerrak eman nahi dizkiet Anus­ka­ren parte izan diren bezero guztiei. Mila esker guztiagatik».