jendetza bildu zen Donostian igandean. Herriz herri josi eta apaindutako oihalekin, katea egin zuten hiriburuan barrena. Eta bertan izan ziren Astigarragako dozenaka lagun. Urumea bazterrean egin zen oihal katea, eta Astigarragako lagunei Groseko hirugarren zubiko ixkinean egotea tokatu zitzaien. Oihalak gogotik astindu zituzten, eta beraiek azaldu moduan, «ikaragarria izan zen».
Erabakitzeko eskubidearen aldarrikapena egun osokoa izan zen. Oihal katearen ostean, hiriburuko hainbat puntutan izan ziren ekitaldiak; eta nagusia, arratsaldean Anoetan. Herriz herri jositako oihalekin hautestontzi erraldoia irudikatu zuten, «gaur hautestontzi, bihar erabakia» lemapean.
Balorazioa, asteartean
Asteartean balorazioa egiteko bilera irekia deitu dute. Udaleko plazan jarri dute hitzordua, 19:30etan.