Igandean Anoetan, Gure Esku Dagok deitutako ekitaldian, ia 2.000 hernaniar bildu ziren, erabakitzeko eskubidearen alde. Kopuru esanguratsua izan arren, urte osoko lana azpimarratu nahi izan du Hernaniko Gure Esku Dagok: «Aurten urrats garrantzitsua eman da. Oihalen kontuarekin, askoz ere jende gehiago elkartu da urtean zehar. Azpitaldeak sortu dira, lan talde berriak, harreman berriak, saregileen figura... Aurrerapauso nabarmena eman da Hernanin, eta igandean ikusitakoa, urte osoan egindako lanaren isla izan da. Eta zorionak eman nahi dizkiegu guztiei».
Galdeketa eta antzerkia
Bide berean jarraitu nahi du lanean Gure Esku Dagok eta zehaztu dituzte datozen ikasturterako erronkak: galdeketa eta herri antzerkia. 2016ko udaberrian izatea aurreikusten dute.