Urteko egunik magikoena izaten da San Joan bezpera, eta ohiturari segika, Akelarrearen bueltan bilduko dira Hernaniko sorgin, galtzagorri, ziriko eta beste hainbat izaki mitologiko.
Herrian barrena, Plazara iritsi arte
Paradorretik abiatuko dira aurten ere, arratsaldeko 18:30etan, dultzaineroek jotako Oriako Sorgin Dantzaren erritmora. Handik, Victor Hugo kalean barrena, Larramendi kalea hartuko dute, eta Urumea ikastolaren parera iritsita, Izpizuan behera jaitsiko dira. Behin Kaxkoan sartuta, Musika Banda pasa arte itxoingo dute, Plazara iristeko. Han elkartuta egingo dute Akelarrea. Guztira, 200 bat herritar ariko dira dantzan gaurkoan; horietatik, 80 inguru izango dira haurrak, galtzagorriz eta sorginez jantzita.
Antzerkia bukatuta, sua eta kantaita
Akelarrea bukatuta, sua pizteko garaia izango da, eta Kantaita ere orduantxe egingo da.