Errugbiak tiradizo haun­dia du Hernanin, eta horren adie­razle da, bete berri duen 50 ur­teurrena. Historiarako  ge­ra­tu diren pasarte ugari bizitu dituzte hamarkada hau­e­tan, eta horietako asko bildu ditu San Joan Kon­­par­tsak. Libu­rux­­ka bat banatuko dute ga­ur, errugbi elkarteko kideek ida­tzia, istorio guzti horiekin; 1.000 ale banatuko dituz­te, des­filean zehar. Liburuxkan bil­tzen de­na­ren adierazle izan­go da, be­raz, gaurko Kon­partsa: Errug­bi elkarteak 50 urte. Edizio be­rezia izango da, el­kar­teko jo­ka­lariak, egun­go­ak eta le­hen­goak, izango bai­tira pro­ta­gonista.

«Harrera oso ona, errugbi taldeak»
San Joan Konpartsak bileran erabakitzen du, San Joan jaie­tan landuko duen gaia. Aur­ten erabaki hartu bezain pron­­­to jakinarazi diote errug­bi elkarteari, eta harrera oso ona izan duela azaldu dute: «errug­bi taldearekin harre­ma­­netan izan gara hasie­ratik, eta asko gustatu zaie ideia, harrera oso ona izan du. 2-3 aldiz elkartu gara, eta eskerrak eman dizkigute gaia atera izanagatik. Beraiek kon­partsaren par­te izatea nahi genuen, eta hala izango da. Errugbiaren parte izan diren generazio ezberdinak ateratzea nahi dugu. Dantza eta kirola uztartuko ditugu gaur, be­rezia izango da».

Kaxkotik barrena, buelta
Plazatik abiatuko da Kon­par­tsa, 18:30etan. Desfilean joan­go da Konpartsa Andre Ka­lean barrena, giroa alaituz. Pla­za Berrin egingo dute au­rre­neko geldialdia. Kon­par­tsa­ko kideek dantza­tuko dute ber­tan, eta errugbi el­karteko kideek mele bat egin­go dute. Zinkoeneatik ba­rre­na egingo dute buelta, eta Plaza Berrik eta Kale Na­gusiak bat egiten duten kan­toian egingo dute geldialdia. Konpartsako ki­deek dantza­tu­ko dute ber­tan, eta errugbi jokalariek touch bat egingo dute. Plazara buel­tan izango da kon­partsaren azken traka: dan­tza eta errug­bi jokalarien ikuskizuna.

Jantziek, garrantzia
Konpartsan ateratzen ditu­zten jantziek ere izaten duten protagonismoa. Aurten ba­se­rritarrez aterako dira, eta errugbi jokalariak, taldeko ka­misetarekin; eta noski, balo­iak ere izango dituzte soinean. 

Hogeita hiru urte, hogeita hiru konpartsa
1. Inudeak eta artzaiak
2. Aurresku Zaharra
3. Lorategiak
--------------------------------
1. Hernaniko sagardotegiak
2. Hernaniko Portua
3. Santa Barbara ermita
4. Errotaren historia
5. Urumea eta lanbideak
6. Hernaniko erromeriak
7. Zikuñagako ermita
8. Hernani eta Euskal Kirolak
9. Labaderoak eta Lanbaderak
10. Hernaniko tranbia
11. Biteri eskolak
12. Baserria eta baserriaren egoera
13. Hernani eta automobilen zirkuitua
14. Tabernak eta sagardotegiak
15. Euskal Herriko baserritar jantzia
16. Villa San Antonio (Paradorea)
17. Hernaniko benefizentzia etxea
18. Oialumeko bilera
19. Tilosetako bailableak
20. Hernani eta Nafar Erresumaren Konkistak.
21. Merkataritzak Hernanin
22. Hernanik, 1000 urte
23. Errubi elkarteak 50 urte

Sekretua: etxeko jokalariak

Liburuxka bat atera dute errugbi elkartearen historiarekin; gaur banatuko dute, Konpartsan zehar.

1962a zen, errugbi taldea osa­tzeko irrikaz, Hernaniko la­­gun talde bat inguruko eza­­gunak elkartzen hasi zenean. Hainbat pausu zi­tuz­ten au­rretik: entre­n­a­tzailea bila­tu, taldearen egi­tura ofi­ziala sortu, taldea eratu, zelaia ados­tu... CD Hernani­ren par­te izatea erabaki zen, eta Txan­txillan eta Atse­gin­degin aritu ziren entrena­tzen. Anoe­­tan jokatu zuen Herna­nik au­rreneko par­ti­dua eta 30-0 galdu zuten. Handik au­rrerako urteak gorabe­he­ratsuak izan ziren, eta 1965­eko irailean CD Her­na­nitik irten eta talde edo klub berri bat osatzeko beharra iku­si zuten: Club de Rugby Herna­ni. Tomas Molina, Joa­kin Goiko­e­txea eta Juan Cres­­po izan ziren sor­tzai­leak. Juan Gilen izena ere, ageri da, lau behar baitzi­ren. Eta ai­pa­­tzekoa da, baita ere, Manolo Adarraga Txokolok eman­­dako bultzada. Bera izan zen lehe­nengo en­tre­natzailea. 
Klu­baren bigarren pausu ga­rrantzitsua izan zen Lan­darera joatea, bigarren zelaia egokitu, Urumea ibaia bide­ra­tu eta instalazioak birmolda­tzea.

Hamarkada onena, 1978-1990
Eskualdeko ligetan 1966an ha­si zuen Hernanik ibil­bi­dea, Ipar Multzoa izena zuen (egun­go Ohorezko B maila de­na). Le­he­nengo pos­tuan geratu zen Her­nani, eta igoera fasea jo­katu, eta mailaz igotzea lortu zuen. Kirol ikuspuntutik, 1978-1987a izan zen Hernaniren ha­mar­kadarik oparoena. Estatu­an, goi mailan aritu ziren, eta lau aldiz azpi­txa­peldun izan ziren. Aipatze­koa da, Iñaki Que­­­sadaren eto­rrerak ekarri zu­en salto kualitatiboa, berare­kin bizi izan baitzituzten Her­na­niren urte disdiratsuenak. Her­­na­niko errugbia euskal eta es­tatuko haundienetako bat zen, elitean jokatzen zuten eta ti­tuluengatik borroka­tzen zu­ten.

Beherakada, 1991tik 2003ra
Espainiako Federazioak 1991n egin zuen berregituraketaren ondorioz, nazio kategoria gal­du zuen Hernanik. Garai hau izan zen baita ere, gai­ne­rako taldeak erdi-profesional izate­ko pausua eman zutena; bes­teak beste, atzerriko jo­ka­lariak fitxatu zituzten. Her­nanik or­dea, ez zuen amateur ibilbidea galdu, eta nahiz eta inguruko herrietako jokalariak izan, beti mantendu izan du harrobiko izaera. Hernaniren bilakaeran aipatzeko beste pau­su garrantzitsua izan zen Albin Lhoste entrenatzaile atzerrita­rra ekarri izana. Quesada eta gero, hau izan da entrenatzaile garrantzitsuena: lana egiteko ildo berriak ekarri zituen.

Goi mailara buelta
Azken harmakada ere aipa­tzekoa da Hernaniren ibilbi­dean. Oho­­­­rezko B mailara igo­tzea lo­r­­­tu zuen 2003-2004. Oho­­rezko Mailara igotzeko au­rreneko Play Offa 2006-2007 denbo­raldian jokatu zuten; eta baita beste bi aldiz ere, 2008-2009 eta 2009-2010 denboral­dietan. Ame­tsa egi 2011-2012 den­bo­raldian bihurtu zen. Her­nanik Ohorezko A mailara igo­tzea lortu zuen, hogeita bost urte eta gero. Azken hiru urteak ez dira errazak izan, baina Hernanik Ohorezko Mailan ospatu ditu 50 urteak.