San Joanak hemen direla eta, Hernaniko Udal Gobernu Taldeak ondo pasatzeko gonbitea egin die herritarrei. «Antolaketan Jai Batzordea osatzen duten herritar eta eragileek parte hartu dute, lan horri esker urtero jai eredu parte hartzaile eta herritarra lortzen dugularik. Sanjoanetako egitarauan lan horren isla diren adin eta gustu guztietako ekintzak aurkituko ditugu, bost egunetan zehar musika, dantza eta kirolaz disfrutatu eta gozatzeko. Gure eguneroko kezka eta arazoak ahal den neurrian eramangarriagoak egiteko, falta ditugunak gogoratu eta jaietako une ezberdinetan partaide eginda gureganatzeko aukera izango dugu».
Era berean, gogorarazi du: «jarrera erasokor eta diskriminatzaileak errotik baztertu behar ditugu. Goza eta bizi ditzagun jaiak! Gora San Joanak! Gora Hernani!».