Proiektu berria jarriko du martxan Hernani Lanbide Heziketako eskolak, etapa berri bati hasiera emanez: «eskola berri hau, Gipuzkoa mailan erreferente bihurtzea nahi dugu, eta horretan jarriko ditugu ahalegin guztiak», azaldu dute.
Eta aro berriari hasiera emateko, eskola berriaren «inaugurazio moduko bat» antolatu dute etzi, astelehena, eguerdiko 12:00etan, Karmelo Labaka eraikinean. Proiektu berria ezagutzera gonbidatu dituzte gurasoak, eskolako ikasle oihak eta enpresak, besteak beste.
Bizikleten zozketa eta luntxa
Bertan egongo dira ikusgai, ikasleek aurten egindako proiektuak, eta eskolan egin dituzten aurreneko aldaketak ere ikusi ahal izango dira.
Gainera, ikasleek egindako bizikletak zozketatuko dituzte, eta hamaiketakoa ere eskainiko diete bertaratuei.