EH Bildu, EAJ eta Orain Hernanik dei egin dute, bihar Donostiako ekitaldira joateko

Ekitaldi nazionala antolatu du Gure Esku Dagok bihar, Euskal Herriko hiriburu­e­tan. Horren harira, Herna­ni­ko talde politiko eta zine­go­tziekin jarri da harrema­netan taldea, eta gehienek egin dute bat mugimen­dua­rekin eta biharko ekitaldia­rekin: EH Bilduk, EAJk eta Orain Hernanik dei egin diete herritarrei, Donostiara joateko.

Luis Intxauspe: «guztiona da erabakitzeko eskubidea»
Luis Intxauspe alkateak, EH Bilduren izenean, hernania­rrak animatu ditu parte har­tzera: «dei egiten diegu her­na­niarrei Gure Esku Dagok antolatu ditu­en ekital­dietan parte hartzeko. Erabakitzeko eskubidea guztio­na da, per­tso­nena zein herri­e­na, eta Euskal Herriak ere herri be­za­la bere etorkizuna erabaki eta aukeratzeko eskubidea du. Gure Esku Dagok ibilbide luzea egin du azken urte­o­tan, eta erabakitzeko esku­bi­dearen in­gu­ruan atxiki­men­du eta babes zabala lortu du. Babes hori berriz ere era­kus­teko aukera ezin hobea da biharkoa».

Andoni Amonarraiz: «herri heldua eta demokratikoa garela erakutsi behar dugu»
Andoni Amonarraiz EAJren bozeramaileak ere, dei egin die herritarrei, bat egiteko: «herri heldua eta demokratikoa garela erakustea ezinbestekoa da, eta Gure Esku Dagoren ekimenak lagungarri dira horretan. Era­ba­kitzeko eskubidea herri osoa­ren­tzako da, izan pentsakera batekoa edo bestekoa. Dei egiten die hernaniarrei agerian utzi dezaten herri guztiek euren nortasuna lau haizetara za­bal­tze­ko eskubidea dutela. Gure herriak nortasun berezi nabar­me­na izateaz gain, sen demo­kra­tiko garbia ere badauka. Garaia da Euskal Herritarrok gure iritzia eman eta zer sen­ti­tzen dugun adierazi dezagun».

Jaione Aristregi: «adiskidetza, bizikidetza eta giza eskubideen errespetua ezinbestekoak dira»
Orain Hernaniko Jaione Aristre­gik ere, herritarrak animatu ditu Donostiara joatera: «herritarrei dei egiten diegu parte hartu dezaten, begirunez beti ere. Era­ba­kitzeko eskubidea babesten dugu, baita informazioa eduki­tze­ko eskubidea ere, horrela hiri­tarrek hobeto elkar ulertuko dute eta. Batzen gaituzten puntuak jorratuz landu behar dugu etor­kizun politikoa, ekonomikoa eta soziala. Gu gai guztietan gaude erabakitzeko eskubidearen alde, iritzi eta egoera guztiak kontuan hartuz. Adiskidetzea, bizikidetza eta giza eskubideekiko erres­pe­tua ezinbestekoak dira».

Ricardo Crespo: «erabakitzeko eskubidea independentziaren alde egiteko aitzakia baizik ez dela uste dugu»
PSE-EEk, bere aldetik, ez du bat egin ekitaldiarekin. Ez­ber­dinen arteko elkarrizketa eta ados­ta­su­na babesten dutela azal­­du du Ricardo Crespok: «he­rri mugi­men­dua den hei­ne­an begi­runea diogu Gure Esku Da­go mugimen­du­ari, are gehia­go ara­zo politiko bati erantzun demo­kra­tikoa eman nahi diola ain­tzat hartuta. Dena den, era­ba­kitzeko esku­bi­dea inde­pen­den­tzia­ren alde egi­teko aitzakia bai­zik ez dela uste dugu. Herritar gehienak alde izate soilak ez du erabaki edo ekimen bat demo­kra­tiko bihur­tzen. Erreferen­du­ma egitea mo­du egokia izan lite­ke arazo poli­ti­ko bat konpon­tze­ko, baina ados­tas­unik gabe eginez gero, herri­ta­rrak banatzeaz gain frustazioa ere ekarriko luke. Ho­rren­bestez, sozialistok ezber­di­nen arteko elka­rrizketa eta ados­tasuna ba­bes­ten dugu. Erre­for­ma federala egitea da gure proposamena».