Kontxa Etxeberria Miranda Astigarragako alaba kuttun izendatu zuen Udalak maiatzaren 19an. Astelehenean, 75 urte bete ziren Doña Kontxa hil zela eta urteurrenarekin bat, omenaldia egin zion Udalak kultur etxean. Bere omenez, plaka bat jarri zen eta lore eskaintza egin zitzaion. Bertan izan ziren Jesusmari Santos alkatea eta Andoni Gartzia alkate ohia eta egungo zinegotzia, beste Udal ordezkari batzuekin batera.
Doña Kontxak ume behartsuei laguntzeko eskola jarri zuen martxan Astigarragan, egungo kultur etxea den eraikinean. Fundazio bat eratu zuen, gaur egun bizirik dagoena eta kultur etxearen eta inguruko lurren jabea dena. 1989an, Udalari utzi zizkion. Hori horrela, alaban kuttun izendatzeko eta omenaldia egiteko nahikoa arrazoi badirela azpimarratu zuten.