Ikasturte bukaera tarteko, Astigarragako AEKk eskerrak eman nahi izan dizkie Gurasolagun eta Mintzalagun egitasmoetan parte hartu dutenei eta aurreko astean festa eta omenaldia egin zituzten. Gurasolagunen kasuan, ostegun arratsaldean elkartu ziren frontoian eta meriendatu ostean, Xaguxarrek antolatutako jolasetan parte hartu zuten (bai gurasoek, bai umeek). Oso ondo pasa zutela azaldu dute denek. Eta Mintzalagunen kasuan, ostiralean elkartu ziren Barandiaran plazan, eta txistulari baten laguntzaz, AEKko bi irakaslek agurra dantzatu zieten Mintzalagunei. Beste irakasle batek bertsoa ere kantatu zien. Oso omenaldi polita izan zela nabarmendu dute