Aurreneko estropada, Maialenek

Gaur hasiko da Emakumez­koen Gipuzkoako VI. Traineru liga, eta guztira hamar jar­du­nal­di izango dira. Pasai Do­nibanen jokatu­ko da aurre­neko estropada, 17:30­etan; Iberdrola Bandera izango da jokoan, eta gizonezkoen trai­neruek ere hartuko dute parte. Bi­garrena bihar jokatuko da Za­rautzen, 11:30e­tan; kasu hone­tan, gizo­nezkoen KAE-1 ligako 2ga­rren jardunaldia ere izango da. 
Hernani-Ipa­rragirrek au­rre­neko aldiz hartuko du parte li­gan, Maia­len traineruarekin. Arra­un­lariak duten onena ema­teko gogoz direla azaldu dio­te Kro­nikari. Aurten be­de­ratzi tal­dek hartuko dute par­te, eta lau beteranoak dira: Hi­bai­ka, Orio, San Juan, Zarautz-Getaria. Her­nanirekin batera, beste hiru on­tzi berri ere izango dira: Donos­tia-Arraun Lagunak, Oiartzungo Itsasla­pu­rrak eta Colindres. Az­ken talde hau Kantabriakoa da, eta gonbidatu gisa ariko da.