Arlo guztietako kultur emanaldiak izango dira gaur Hernanin, ikasturteari bukaera emateko. Arratsaldeko 17:30etan, Biterin joko dute Doinu Zale musika eskolako ikasleek.
Milagrosan, berriz, Hernani Musika Eskolako abesbatzak kantatuko du, Dakapo abesbatzarekin batera. 18:30etan hasiko da emanaldia, eta bakoitzak zazpina kanta abestu ondoren, elkarrekin ariko dira bi abesbatzak, Non geratzen den denbora kantatuz.
Ttarlaren emanaldia, kiroldegiko frontoian
Azkenik, gaueko 22:00etan eskainiko du ikasturte amaierako emanaldia Ttarla dantza taldeak. Urteko saio bereziena du taldeak, eta kiroldegiko frontoian izango da, 400 ikusleren aurrean. Sarrera guztiak salduta daude.
200 bat dantzarik, euskal dantzak eskainiko dituzte, Hernani Musika Eskolako kideen laguntzarekin.