Herriarteko Txapelketa hasi aurreko erronka bete du Astigarragak: joan den urteko marka gainditu eta finalerdietara iristea. Oiartzun kanporatuta lortu du pasea. Bueltako lehia galdu egin zuten astigartarrek igandean, 2-1. Eta joaneko neurketa kontuan hartuta (orduan 2-1 irabazi zuten), berdinketa izan da, baina tanteo hobea lortu dute Astigarragako mutilek: 15 gehiago.
Beraz, finalerdiak jokatuko dituzte orain. Azpeitiaren aurka neurtuko dituzte indarrak. Joaneko partidua ostiralean izango da, seguruena (Azpeitian, 22:00).
Kadeteek irabazi
Igandean, kadeteek lortu zuten irabaztea. Olarra eta Esposito 22-15 nagusitu ziren. Jubeniletan, berriz, Oiarbide eta Otañok 22-16 galdu zuten eta nagusietan, Loidi eta Santxezek 22-11 galdu.
Jokatutako partidu guztietan, kadeteek ez dute partidurik galdu. Seniorrek bi galdu dituzte, Oiartzunen kontra. Eta jubenilek bana, Arrasate eta Oiartzunen kontra.