Eusko Jaurlaritzak ukatu egin du Dobera Euskara Elkartearen gora jotzeko errekurtsoa, Kronikari emandako dirulaguntzaren murrizketaren harira. Aurreko urtearekin alderatuta, 8.000 euro gutxiago jaso ditu Hernaniko Kronikak, irismenaren irizpidean jasotako puntuazio eskasagatik.
Puntuazio horren kontra aurkeztu zuen errekurtsoa Doberak. Hezkuntza, Hizkuntza Politika eta Kultura Sailburuak, ordea, atzera botatzea erabaki du: «balorazio-batzordeak irismen-maila propioaren irizpideen inguruan egindako balorazioa errespetatu behar dugu, deialdi oinarriak errespetatu baitira, eta errakuntza nabari eta agerikorik egon ez delako», azaldu du ebazpenean.