Osatu dira Hernani eta Ereñotzuko Udalak

Datozen lau urteetarako Udal Taldeak osatzeko inbestidura Plenoak egin dira; Hernanin, EH Bilduko Luis Intxauspe izango da alkate; aldeko 9 boto, Jone Aristregiren (Orain Hernani!) aldeko 2, eta 6 zuri izan ziren. Ere­ño­tzun, Ere­ñotzu Ekinez taldeko Imanol Lizeaga da auzo alkate.

17 kide, Hernanin
Hernanin, Intxauspez gain, EH Bilduko beste 8 kidek hartu dute zinegotzi kargua: Koro Etxeberriak, Martin Aldayak, Isabel Sanchezek, Xabier Lertxundik, Estibaliz Aldeitu­rria­gak, Inhar Olanok, Garazi Etx­arrik, eta Damian Pedro­sak. EAJko lau zinegotzi ere badira: Andoni Amona­rraiz, Jose Antonio Cuesta, Maria Otaegi eta Felipe Etxe­berria. Orain Her­nani! bi zinego­tzi­re­kin sartu da Udal Taldean: Jaione Aristregi eta David Guira­dorekin. Eta PSE-EEk ere bi zine­gotzi ditu: Ricardo Cres­po eta Maria Jesus Egido.
Luis Intxausperen izenda­pe­na txalo zaparrada eta irrintzi artean hartu zuten Pleno aretoa bete zuten herritarrek, eta In­txau­spek eskerrak eman ziz­ki­en botoa emandakoei eta azken lau urtetan bidelagun izanda­ko­ei. «Ziur, gogotsu eta moti­ba­tu­ta sentitzen naiz». Plenoan izan­da­ko aldaketak ere nabar­men­du zituen, eta azpimarratu zuen alderdien arteko eta herrita­rre­kiko elkarlana sustatuko duela. 

Auzo Udalean, 5 kide
Ereñotzun, Imanol Lize­aga­rekin Auzo Udal Taldea osatuko duten bokalak dira: Aitzol Zerain, Ana Santa Kruz, Amaia Miner eta Aritz Zerain.