Bere jaiotzaren urteurrenean izendatu zuten Astigarragako alaba kuttun Kontxa Etxeberria, Doña Kontxa, maiatzaren 19an. Eta astelehen honetan, hil zela 75 urte betetzen direnean, omenaldia egingo diote.
Kultur Etxean izango da ekitaldia, eguerdiko 12:00etan, eta bere omenez plaka bat jarriko dute bertan.
Doña Kontxaren etxea
Hain justu, Kontxa Etxeberriak agindu zuen gaur egun Kultur Etxea den eraikina egitea, 1930ean. Bertan bizi izan zen Doña Kontxa, eta Asilo-Escuela de Huérfanos de Jesús Nazareno y Cristo Rey fundazioaren esku utzi zuen, herriaren gizarte arloko beharretarako erabiltzeko.