Zita garrantzitsua dute pelotari astigartarrek bihar. Final laurdenetako bueltako partidua jokatuko dute, Oiartzunen, Herriarteko Txapelketan. Madalensoro frontoian izango da, 17:00etan.
Joanekoa, 2-1 irabazi zuen Astigarragak, eta 25 tantoren aldearekin joango dira, gainera. Olarra eta Esposito ariko dira kadeteetan, Oiarbide eta Otaño jubeniletan, eta Loidi eta Santxez nagusietan.
Gurutzealdek, finala gaur
Oier Gurutzealdek, berriz, Espainiako Openeko finala jokatuko du gaur, eskuz binaka. Loitegi urnietarrarekin ariko da Gurutzealde, Oberena taldeko Santamaria eta Lukinen kontra. Iruñan jokatuko du, 10:00etan.