Biharkoa da San Antonio eguna, eta gaur, bezpera egunean, botako dute etxaferoa, jaiei hasiera ofiziala emateko. Berriketan ekimeneko gazteak izango dira lan horren arduradunak. Hala ere, etxaferoa bota aurretik festa giroa izango da nagusi: 15:00etan Txirrita eskolako ikasleek ikasturte bukaerako jaialdia egingo dute; 17:30etan, Berriketan ekimeneko partehartzaileekin karta jokuan aritzeko aukera izango da plazan; eta 20:00etan txupinazoa bota ondoren, 20:30etan herri afaria egingo da frontoian.
Segidan, Kantudantzaldia izango da Kiztiñe Solano eta Idoia Arriolarekin, eta parrandarekin jarraitzeko, karaokea ere egingo da.
Festek asteburu osoan izango dute jarraipena. Atzo, berriz, Ugaldetxon hasi ziren motorrak berotzen.