Inaugurazio hunkigarria, arraunlarien eskutik

Lokal berria estreinatu du Hernaniko Arraun Elkarteak 50garren urteurrenean. Eki­tal­di hunkigarria prestatu zu­ten atzo arraunlariek, oka­siorako: Mikel Laskurainen bisita izan zuten; Andoni Mu­ji­kak bertsoa bota zuen; Amaia Altunak eta Araia Ui­tzik agurra dantzatu, Añarbe Ka­lon­jeren trikitixaren doinu­ra; Kalonje ahizpek eta Estitxu Zabalak inauguraziorako sor­tutako abestia kantatu...
Ondoren, Batis Laburu de­legatuak azpimarratu zuen «50 urte hauetan lanean ari­tu gara, eta gure betiko ametsa kun­plitu da lokal berri honekin. Guk diseinatua da eta se­gurtasun  neurri guztiak bete­tzen ditu». Eskerrak ere eman zituen Laburuk: «Es­kerrak eman nahi dizkizuet 50 urte hauetan arraun elkar­tea­ren parte izan zareten guzti-guztiei».
Luis Intxauspe, Beñat Ame­nabar eta Esti Aldeiturriaga Udal ordezkariak ere izan ziren inaugurazioan. El­karteak egin duen lana goraipatu zuten eta arraun elkartearen parte izan diren guztiak zoriondu zituzten. Amenabarrek Udalak eta elkarteak izan duten tratu eredugarria era goraipatu zuen. Eta hiruek errepikatu zuten esaldi bera: «beste 50 urte ere, bete ditzazuela»
Festarekin bukatzeko, bideo emanaldia eta luntxa izan ziren, eta herritar guztiak gonbidatu zituzten parte hartzera. Bestalde, gogorarazi zuten larunbatean batel estropadak izango direla Elorrabin, 11:30etan hasitan Udaberriko Batel Ligaren barruan. Kadeteen batela beste garaipen bat lortzen saiatuko da.