Arratsaldeko 18:00etan hasiko dira gaur pelota partiduak, Ugaldetxon, San Antonio festen aurretik. Aurrena, mutilak ariko dira eskuz, eta ondoren, neskak, palaz. Segidan, bertsotan ariko dira Unai Agirre, Iker Osa eta Oier Iurramendi, eta 19:00etatik 20:00etara, Toka txapelketa jokatuko da.
Bukatzeko, erromeria izango da Kupela taldearekin.
Txupinazoa, bihar
San Antonio festei hasiera ofiziala emango dien etxaferoa bihar botako dute Berriketan ekimeneko kideek, baina aurretik ere izango da festa: 15:00etan Txirrita ikastetxeko ikasturte bukaerako festa; eta 17:30etan karta jokuak, plazan. Txupinazoa 20:00etan izango da, eta gero, afaria, kantudantzaldia eta karaokea.
Ansa eta Lasarte txapeldun
Festen bueltan, mus txapelketa jokatu zuten 14 bikotek lehengo ostiralean; Inaxio Ansa eta Arnaitz Lasarte izan ziren txapeldunak, eta Angel Pikabea eta Pepe Caloca bigarrenak.