txakolin dastaketa antolatu dute gaur Santa Barbara elkartean. Getariko txakolinak baditu izena eta izana, eta horixe probatzeko aukera jarri nahi dute gaur. Agerre, Amestoi, Santarba eta Ulaciako txakolindegietako txakolina probatzeko aukera izango da, 12:30etatik aurrera.
Eta edana bakarrik ez, jatekorik ere izango da: jildak, txorizo egosia, txanpinoiak...
Santa Barbara elkartetik gogoratu dute, urteroko festa izaten dela hau: «iaz bezala, elkarte atariko terrazara atera nahi dugu berriro ere. Festa eta giroa herritarrengana gerturatu nahi ditugu». Beraz, herritar guztiak gonbidatuta dituzte gaurko hitzordura.