Erremonte zaleek txapelketa berri bat dute martxan: Labrador Promesa Txapelketa. Asteartean aurkeztu zuten Galarretan, eta sei bikote gaztek hartuko dute parte. Erremontisten artean izango da gainera, Aritz Zubiri goizuetarra; Ansa II izango du bikote. Gainerako bikoteak izango dira: Ezkurra II-Zaldua, Segurola-Larrañaga, Otaegi-Martirena, Matxin VI-Labaka; eta Goikoetxea V-Aizpuru III.
Txapelketaren aurreneko fasea ligaxka formatuan jokatuko da, hiru bikoteko bi taldetan banatuta. Larunbatean izango da aurreneko partidua, eta ekainaren 11 eta 13an gainontzekoak. Bi finalerdiak ekainaren 20an jokatuko dira; eta final haundia ekainaren 27an. Partidu guztiak Galarretan izango dira.
Barrenetxea IV, rankineko onena
Endika Barrenetxea izan da maiatzeko erremontista onena rankinean, 38 puntu lortuta. Hilabete bikaina izan da hernaniarrarena, eta egun erreferentea da atzelarien artean, Uterga eta Endikarekin batera.