Gaur aurkeztuko du Miguel Usabiaga hernaniarrak, bere azken liburua: Flores de la República. Los olvidados de Pikoketa. Apirilean kaleratu zuen, eta Donostiako FNAC dendan egingo du aurkezpena, arratsaldeko 19:00etatik aurrera. Bertan izango dira Miguel Usabiaga bera, bere aita, eta Paco Etxeberria antropologo ezaguna.
1936ko abuztuaren 11n fusilatu zuten miliziano talde bat dauka oinarri liburuak, Pikoketa baserriaren ondoan lurperatu zituztenak.
Urteak daramazki Usabiagak, gertatu zena aztertzen, eta ikertutakoa hartu du oinarri, liburua idazteko.