Egun gutxi geratzen dira Iskibi kanpinak antolatzen duen BTT zeharkaldirako. Seigarren edizioa izanen da aurtengoa, eta igandean jokatuko da. Bi ibilbide izanen dira: 30 kilometrokoak 1.050 metroko desnibela izanen du; eta 43 kilometrokoak, 1.360 metroko desnibela. Bi lasterketak Iskibi kanpinean hasi eta bukatuko dira, eta aurten nobedade bat ere izanen da: ibilbideen 12 kilometrotako zati bat Artikutzako parke naturaleko paraje ederrean eginen da.
Izen ematea, zabalik
Izena emateko bi modu izanen dira: www.kirolprobak.com webean, 12 euroan; eta egunean bertan, 16 euroan, Iskibi kanpinean bertan.