Ikasturte bukaerako ekitaldiak, ekainean

Nabari da ikasturte bukaera gertu dagoela. Izan ere, kur­tsoa agurtzeko hainbat eki­tal­di izango dira hil ho­netan.

Zortzi musika entzunaldi
Batetik, Norberto Al­man­doz Musika Eskolako ikas­leek 7 entzunaldi eman­go dituzte, atzokoaz gain: ekainaren 8an, 18:45etan, organoa eta pianoa; 10ean, 18:30etan, txi­kien bateria, eta 19:30etan gaz­teena; 15ean, 19:00etan, pianoa, flauta trabesera eta biolina; 16an, 18:00etan, 4 ur­tekoen tailerra; 17an, 18:00e­tan, 5 urtekoen tailerra; eta 18an, 18:00etan, 6 urtekoen tailerra. Guztiak Musika Es­kolako aretoan izango dira.
Horrez gain, Musika Eguna antolatu dute ekai­na­ren 12 eta 13rako.

Herri Eskolako festa
Bestetik, Astigarragako Herri Eskolak jaialdia egingo du la­runbat honetan. Horrekin lo­tu­ta, atzo harrera egin zie­ten Ka­taluniatik etorritako ikas­le­ei, eta igandera arte el­karrekin ibiliko dira herrian zehar.

Ikasturte bukaerako hitzordu gehiago
Gurasolagun eta Min­tza­la­gun egitasmoetan parte har­tu dutenek ere kurtsoa agurtzeko ekitaldiak egingo dituzte datorren astean.
Baina bestelako ekintzak ere izango dira. Esate ba­te­rako, Jolas Txiki zerbitzua martxan izango da hil ho­netan. Horrez gain, Nepaleko argazki erakus­ke­ta, ipuin kontaketak eta literatur so­lasaldia, plaza dantzak... ere izango dira.

Egitarauaren irudia aukeratzeko epea irekita
Bestalde, Santio jaie­ta­ra­ko egitaraua prestatzen ari di­ra, eta diseinuen artean au­keratu daiteke hilaren 9ra arte.

EGITARAUA
Ekainaren 8tik 23ra Jolas Txiki
14:00-16:30, astelehenetik ostiralera, 2-5 urte bitarteko haurrentzako eskaintza izango da kiroldegian. Prezioa: 68,40 euro bazkideek eta 83 euro gainerakoek. Informazioa: kiroldegia@astigarraga.net/943 33 36 76.
*Ekainaren 9ra arte, Santio jaietako egitarauaren diseinuak bozkatzeko epea, Kultur Etxean.
Bihar, ekainak 4:
17:45, ipuin kontaketa 3-5 urte artekoentzat, Kultur Etxean.
18:15, ipuin kontaketa 6-9 urte artekoentzat, Kultur Etxean.
Ekainak 6, larunbata:
10:00, Astigarragako Herri Eskolako festa, ikastolan eta pelotalekuan.
Ekainak 7, igandea:
12:30, Plaza Dantzak Joseba Barandiaran plazan.
Ekainak 11, osteguna:
17:00, Gurasolagun egitasmoan parte hartu duten guraso eta haurrentzako merienda eta jolasak frontoi ondoko kioskoan.
Ekainak 12, ostirala:
19:30, Mintzalagun egitasmoan parte hartu dutenei omenaldia Joseba Barandiaran plazan.
Ekainak 13, larunbata:
19:00, Argazki proiekzioa Kultur Etxe­an: Nepal. Lurrikararen aurreko argazkiak. Goizean argazkiak salgai Foru Plazan; dirua, Nepalerako.
Ekainak 15, astelehena:
16:00-20:00, dinamizatzailea KZ Gunean izango da.
Ekainak 22, astelehena:
19:30, Literatur Solasaldia liburutegian, Jorge Carrerok zuzendua, Sumisión liburuaren inguruan.
Ekainak 23, asteartea:
19:30, San Joan Zortzikoa kalez kale Txirriskla taldeko txistulariekin.
22:30, San Joan Sua piztu aurretik, Astigarreko dantzariek San Joan zortzikoa dantzatuko dute.
22:45, Zezensuzkoa Foru Plazan.
Ekainak 29, astelehena:
16:00-20:00, dinamizatzailea KZ Gunean izango da.

MUSIKA ESKOLA
XV. MUSIKA EGUNA
Ekainak 12, ostirala:
18:30, trikitilariak kalejiran.
19:30, triki eta pop taldeen kon­tzertuak Ikatza eta Bukoi tabernetan.
Ekainak 13, larunbata:
09:30, txistularien diana.
10:00, tailerreko haurren emanaldia elizan.
10:45, AHIT taldeen kalejira elizatik Foru plazara.
11:30, Pop taldeen emanaldia Foru Plazan.
13:30, AHIT, Iratzar abesbatzak eta NAME Big Band. Bukatzeko, ikasle eta irakasleek EMUSKIK 2016ko jaialdiko Musikatu bizitza doinua jo eta abestuko dute.