Plazako dantza doinuak, txistularien eskutik

“Hernani” Musika Eskolako Txistulariek kontzertua eskai­niko dute gaur, 12:30etan, udaletxeko arkupeetan. 
Kontzertu hau, ikasturte honetako laugarrena eta azkena izango da. Oraingoan, plazako dantza doinuz osatu dute gehienbat egitaraua, herria festa giroan murgiltzen hasia dela eta: baltsak, fan­dangoak, polkak, kalejirak…
Tartean, Sorozabalen Do­nos­tia fandangoa edo Isidro Ansorenak txistularien elkar­teari eskaini zion Txistulari Gizartea bezalako obrak ere izango dira.
Dozena bat abesti joko dituzte: Xaxu konfiterua, Pelotariei ongi etorria, Aldaeradun baltsa, Donostia, Luzaideko dantzak (Bolant dantza, Sorginak, Eskualdu­nak), Txurkoene, Txapeloaz, Txistularien gizartea, Zortzi­koa eta Itxaropena (fandan­goa, arin-arina).