astigarragako kaleak alebin eta infantil mailako txirrindulari gazteez bete ziren joan den larunbatean. 80 neska-mutil inguruk Astigarragako Sari Nagusia zuten jokoan, baina konpetizioa baino gehiago, txirrinduralitzaren festa izan zen larunbatekoa. Txirrindularitza proba bat berriro ere Astigarragan antolatu izana da, hasteko, antolatzaileek egin dezaketen baloraziorik onena. Pozik dira lortu, eta bizitutakoarekin: «halako probak normalean poligonoetan jokatzen dira, eta gu saiatu gara herri barrura ekartzen. Oso pozik gaude guztiarekin, eta baita ere, parte hartu zuten txirrindulari eta gurasoak pozik ikusi izanarekin».
Omendu bat ere izan zen: Jose Luis Olaso;«Lan haundia egin du Olasok Astigarragako txirrindularitzaren alde, eta errekonozimendua egiteaz gain, lotura bat egin nahi genuen gaur egun egiten ari diren lanarekin».