Udarako estropadetarako prest dago Maialen trainerua, plantilla osatu baitute, dagoeneko. Honakoek osatuko dute: Uxue Alberdi, Eider Barba, Ixone Irigoien, Ainhitze Kalonje, Amaia Larrarte, Maider Perez, Ekiñe Velasco eta Enara Villena hernaniarrek; Saioa Txapartegi, Irantzu Tolosa eta Andrea Zumeta tolosarrek; Eider Aierbek (Altzo), Ane Sanchezek (Anoeta), Uxune Urkiak (Idiazabal), Miren Urrutiak (Andoain), Mireia Vicentek (Anoeta), Estitxu Zabalak (Loiola), eta Maider Zumetak (Ibarra). Patroiak izango dira Añarbe Kalonje hernaniarra eta Malen Oiarzabal tolosarra, eta entrenatzaileak, Juanjo Etxarte eta Jose Luis Perez, Koteli.