kiroldegira gerturatzen denak, Kirol Egunean parte hartzeko aukera izango du bihar. Bi proposamen egin dituzte aurten: batetik, aski ezaguna den Ciclo Indoor edo bizikleta estatikoa; eta bestetik, aurtengo nobedadea: Grouppole. Ciclo Indoor praktikatu nahi dutenentzako hiru saio antolatu dituzte: 10:00-11:00 Jose Subijanarekin; 11:00-12:00 Aitziber Del Olmorekin; eta 12:00-13:00 Manex Alberdirekin. Parte hartzeko izena eman behar zen.
Grouppolea, nobedadea
Grouppolea da aurtengo nobedadeetako bat, udako eskaintzaren barruan sartu dutena. Organismoa berehala aktibatzen duen ariketa da, aerobikoa eta anaerobikoa. Gorputzeko grasa erre eta giharrak definitzeko ariketa eraginkorra da Grouppole. Erresistentzia ezberdineko elastikoekin egiten da lana, posizio eta mugimendu ezberdinak eginez; eta norberak duen mailaren arabera egokitzen da entrenamendua. Grouppolea zer den eta nola praktikatzen den gertutik ezagutzeko aukera izango da bihar, 11:30etatik 12:00etara egingo duten erakustaldian. 12:00etatik aurrera probatzeko aukera ere izango da Jose, Eider eta Leirekin.
Bihar izango diren saioetan parte hartzeko izena eman behar zen aurretik.