Urtero bezala, Kantuz Eguna ospatuko du Kantuz abesbatzak gaur. Hala ere, aurtengoa berezia izango da. Izan ere, abesbatza 25garren urteurrena ari da ospatzen eta emanaldi benetan berezia antolatu dute. Halaxe azaldu dute: «Gure 25garren urteurrenaren ospakizunen artean, kuttunena izango da. Bertan, urte guzti hauetan pasatutako zuzendari ezberdinekin arituko baikara. Emanaldia oso berezia izango da. Proiekzioak, aurkezpen berezia, dantza, instrumentuak... izango dira».
Abesbatzan ibili direnei, gonbidapena
Abesbatzan 25 urte hauetan ibili diren guztiei, gonbidapena luzatzen diete, gaur emanaldia ikustera joateko: «Denak gonbidatuta daude Kantuz abestia gurekin batera abestu dezaten», azaldu dute.