Hamabigarren aldiz, Garagardo Azoka antolatu du Errugbi Elkarteak eta gaur zabalduko ditu ateak. Igandera bitarte, punta-puntako garagardoaz gozatzeko aukera izango da Atsegindegin, eta baita halako azoketan ohikoa izaten den jakiekin gozatzekoa ere. 20:00etan da irekiera ekitaldia. Kluba 50garren urteurrena ospatzen ari da aurten eta lehenengo garagardo tragoa egiteko ohorea, 1964 hartan, aurreneko 15ekoa osatu zuten jokalariek izango dute.
Musika ere izango da. Musika Bandak girotuko du gaur, feria. Eta bihar, 80tharrak taldearen kontzertua izango da.
Mosaiko erraldoia eta bazkaria, igandean
Azokaz gain, ekitaldi ugari ere antolatu dituzte datozen egunetan. Larunbatean, Landare Torneoa jokatuko da. Igandean, berriz, ate irekiak izango dira, mosaiko erraldoia egingo dute herritarrekin, eta ondoren, bazkaria izango da (txartelak 10 euroan, azokan).