Bost neurri, hondakinak gutxitzeko

Herritarrak eta bezeroak hon­dakinak gutxitzearen garran­tziaz sentsibilizatzeko, kanpai­na jarriko du martxan Dendar­teanek (Gipuzkoako Mer­kata­ritzaren Bilkurak), elkarte eta denden parte hartzearekin. Den­­dartean eta denon artean zero zabor izena du kanpainak eta Gipuzkoako 7 herritan egin­go da; tartean, Hernanin. Herri­ko 42 establezimenduk hartuko du­te parte eta maiatza-ekaina bi­tar­tean burutuko da kanpaina.
Bost neurri hartuko dituzte: 1. Panel informatiboak jarriko dira dendetan; 2. Plastikozko  poltsak ordezkatu egingo dituz­te konpostagarri-biode­gradaga­rriengatik (eskatzen duten be­zeroei emango zaie eta ego­kiena telazko poltsak erabiltzea dela gogoraraziko dute); 3. Bezeroei aholkuak emango dizkiete eta jarraitzen dituz­tenak, produktu ekologikoz osatutako sorten zozketetan sartuko dira; 4. Kaletik doazen herritarrekin hartu-emanetan ariko dira eta komertzio txi­kie­tan telazko poltsekin erosten dutenei opariak egingo diz­kiete; 5. Praktika onen ingu­ruko formakuntza jasoko dute merkatariek, zero zabor kon­promisoa hartu dezaten.
«Etorkizun iraunkor bat po­sible izango da kontsumo ardu­ratsu bat egiten badugu. Zain dezagun ingurunea komertzio txikian erosiz», egin dute dei.
Ordizia, Errenteria, Azpeitia, Urretxu-Zumarraga eta Zu­maiak ere hartuko dute parte. Iaz bezala, Gipuzkoako Aldun­diarekin hitzarmena sinatu du Dendarteanek proiektua aurre­ra eramateko.