Amher elkarteak jakinarazi du, lekuko bila dabiltzala: «Khelifa Tadjin Tolosan bizi den aljeriar jatorriko etorkina da eta eraso arrazistak salatu ditu. Maiatzaren 3an (igandea), eguerdiko 12:00etan, trenean zetorrela, bi segurtasun zaindarik Hernaniko geltokian jaitsiarazi, mehatxatu eta kolpatu zutela salatu du epaitegian. Haren garrasiak entzunda, geltoki ondoko etxebizitzetako jendea leihora atera zen. Haien lekukotza behar du, epaiak aurrera egin dezan. SOS Arrazakeriara deitu behar da: 943 24 56 26».