Gaur daukate hitzordua herritarrek, hautestontziekin. Udal eta Foru Hauteskundeak izango dira, eta 15.286 hernaniar eta ereñotzuar daude deituta, bozka emateko.
Udal korporazioa osatuko duten 17 zinegotziak aukeratuko dituzte herritarrek, aurreko legegintzaldietan bezala. Izan ere, 10.001 eta 20.000 biztanle artean ditu Hernanik
Bost zerrenda, aukeran
Horretarako, bost zerrendaren artean aukeratu beharko dute: EH Bildu (Luis Intxauspe alkategai dela), EAJ (Andoni Amonarraiz buru), PSE-EE (Ricardo Crespo alkategai), PP (Cristobal Carretero) eta Orain Hernani (Jaione Aristregi).
Zazpi eskola izango dira bozkatzeko, bakoitzak dagokionean: Langile ikastola, Elizatxo, Haur eskola, Biteri, Larramendi kalea, Zikuñaga eskola zaharra eta Gabriel Zelaia.
Ereñotzun, Auzo Udalerako
Auzo Udalerako ere emango dute bozka, deituta dauden 485 ereñotzuarrek, Txirrita ikastetxean. Zerrenda bakarra aurkeztu da: Ereñotzu Ekinez.