«Aldaketaren parte» izatera animatu zituzten herritarrak, Jaione Aristregi Orain Hernaniren alkategaiak, eta Juantxo Iturria Gipuzkoako Podemosen diputatu nagusigaiak. Ekitaldia egin zuten asteartean, Atsegindegin.
Iturriak azaldu zuen, orain arte Podemos «zerbait urruna bezala» ikusi arren, dagoeneko errealitatea dela: «eta orain da momentua, diputazioan ere errealitatea izateko. 2015 aldaketaren urtea izatea nahi dugu, eta denak animatu nahi ditugu, aldaketaren parte izatera».
«Ez gara protestatzera bakarrik etorri, proposamenak egitera ere bai», argitu zuen diputatu nagusigaiak.
«Herri demokratikoago eta justuago bat nahi dugu»
Aristregik, bere aldetik, nabarmendu zuen «guztion artean martxan jarritako proiektu bat» dela Orain Hernani: «herri justuago eta demokratikoago bat nahi dugu, eta horretarako, parte hartzea da tresna eraginkorrena».
Alkategaiak adierazi zuen, «denak barne hartuko dituen sistema» lortu nahi dutela, «inor baztertuko ez duena».
Hitzaldien ondoren, panfletoak banatu zizkieten herritarrei. Kontu korrontea ere eman dute, laguntzeko: Rural Kutxa: Es37 3008 01 7016 3154969426.