Atzokoan 632 goizuetar zeuden botoa ematera deituta Udal Hauteskundeetarako, eta 631, berriz, Nafarroako Parlamenturako.
Partehartzeak behera egin zuen pixka bat: 2011n %73koa izan zen, eta atzo, %68koa.
EH Bilduk 7 zinegotzi, botoen %91 lortuta
Alderdi bakarrak aurkeztu du aurten hautagaitza: EH Bilduk. Botoen %91 jaso zituen. Bestalde, 25 boto nulo eta 11 zuri izan ziren. yy
EH BILDU:
UNAI LOIARTE
«Positiboa izan da partehartzea»
EH Bilduk 7 zinegotzi izanen ditu Goizuetako Udalean, eta Unai Loiarte izanen da alkatea. Botoa emandakoei eskerrak eman nahi izan dizkie: «Zerrenda bakarra zen gurea, eta ez zen aldaketa haundirik izanen. Baina hala ere, partehartzea positiboa izan da. Herritarrek babesa eman digute, eta eskertzekoa da».
Nafarroako Parlamentuan ere, EH Bildu
Nafarroako Parlamenturako ere, EH Bilduri eman zioten botoa goizuetarrek: 332 boto, hain zuzen (%75,63). Gainontzeko botoak horrela banatu zituzten hurrenez hurren: Geroa Baik 61 (%13,89); UPNk 10 (%2,28); Podemosek 6 (%1,36); PPk eta PSNk 4na (%0,91 bakoitzak). Boto zuriak 12 izan ziren, eta balio gabeak, 10. Abstentzioa %30ekoa izan zen.