Ereñotzu Ekinezek %98ko babesa lortu du

Hiru boto eman zituzten atzo ereñotzuarrek: bata, Auzo Uda­lerako; bestea, Hernaniko Uda­le­rako; eta bestea, Gipuzkoako Batzar Nagusietarako.
Partehartzeak behera egin zuen orokorrean, %60ren buel­takoa izan baitzen, eta 2011n, %70 ingurukoa izan zen.
Ereñotzuko Auzo Udalerako 292 auzotarrek eman zuten botoa: horietatik 288 Ereñotzu Ekinezerentzat izan ziren, hau da, botoen %98,63. Bina boto zuri eta nulo izan ziren.   

Ereñotzu Ekinez:
Imanol Lizeaga
«Etorri direnek auzo udalerako eman dute botoa, eta hori da garrantzitsua»
Imanol Lizeagak partehartzea ona izan dela azpimarratu zuen. «Aurreko urtean ia %70ekoa izan zen, eta aurten jaitsi egin da. Baina hala ere, partehartzea ona izan da. Etorri direnek Auzo Udalerako eman dute botoa, eta hori da garrantzitsua; jendeak parte hartzea proiektu honetan».

Hernaniko Udalerako eta Gipuzkoako Batzar Nagusietarako ereñotzuar gehiagok eman dute botoa; 298k eta 297k hurrenez hurren. Ereñotzuko Auzo Udalerako 292 auzotarrek bozkatu dute.

Hernanin eta Gipuzkoan, EH Bilduri boto gehien
Hernaniko Udalerako eta Gipuzkoako Batzar Nagusie­tarako botoa emateko ere, 486 ereñotzuar zeuden deituta, eta hauetan ere, antzekoa izan da partehartzea; %61en buelta­koa, bi kasuetan.
Hernaniko Udalerako EH Bilduri eman dizkiote boto gehien ereñotzuarrek: 227 boto (%76,17). Gainontzeko botoak horrela banatu dira, hurrenez hurren: EAJ-PNVk 45 (%15,10); Orain Hernanik 12 (%4,03); PSE-EEk 1 (%0,34). Era berean, bi boto nulo izan dira, eta 11 zuri.
Gipuzkoako Batzar Nagu­sietarako ere, EH Bilduk lortu ditu boto gehien: 223 (%75,08). Gainontzeko botoak horrela ba­natu dira, hurrenez hurren: 13 Podemosek (%4,377); 7 EAJ-PNVk (%2,35); 2 PSE-EEk (%0,67); 2 Ciudadanosek (%0,33); 1 Irabazik (%0,33). Gai­nontzean, 8 boto zuri eta balio gabeko 1 izan ziren.