Botoa ematera deituta bihar, 633 goizuetar eta 98 aranoar

Bihar izanen dira Udal eta Foru Hauteskundeak. Goizu­etan, 633 herritar daude bozkatzera deituta, eta Aranon, berriz, 98.

Goizuetan, hautagaitza bakarra
Goizuetako Udal Hautes­kundeetarako hautagaitza bakarra aurkeztu da: EH Bildurena. Unai Loiarte da alkategaia. Horrez gain, 251 eta 1.000 herritar artean dituen herria izanik, 7 zinegotzi izanen dira.

Botoa, eskola berrietan
Orain arte, eskola zaharretan eman izan da botoa, baina aurten, eskola berrietan eginen da, Xalton, alegia.

Aranon, bi hautagaitza
Aurreko aldian ez bezala, aurten, Aranon bi hautagai­tza aurkeztu dira: Herri Aiherriz plataformarena, Ainhoa Ansa alkategai dela, eta UPN alderdiarena, Joana Valencia alkategai dela. Zine­go­tziei dagokienez, 101 eta 250 biztanle arteko herria izanik, bost zinegotzi izanen dira.

Parlamenturako, 14 alderdi
Nafarroako Parlamenturako ere bozkatuko da bihar, eta 14 alderdi aurkeztu dira: PP, PSOE, UPyD, IE, Podemos, Ciudada­nos, PACMA, UPN, LN, EH Bildu, Geroa Bai, SAIn, EQUO eta RCN-NOK.